na Tha khuding gi phongba chefong RED THUNDER gi July tha gi chephong adu mayamda paring naina thamjari. Mayam pabiyu amadi neinabiyu.
Red Thunder July Edition Ahanba Saruk
Meeyamgi Ihou amasung Achumba Lantheng
"The proletariat is fighting; the bourgeois is concluding an alliance with the government" -Stalin
March 17, 1907 foreign language publishing House Moscow
Manipur-gi houjik oiriba khunaigi leithak leikha-gi oiriba phibamsing yenglubada Comrade Stalin na thamlamliba waphamsi yamna mayek sengna achumbani haiba uba phanglak-i. Russian khunaigi karamba phibamna natraga karamba tangkakta yumpham oiraga phongdoklamlibano haibaduda koithokludragasu ngasigi Manipur-gi leithak leikharol gi phibamsing asi yenglaga kayam yamna chumlaklibage haibaduni neinaninglaklibasi. 2017-si yamna maru oiba poowarigi tangkak ama oihougadouri.Chahi taret khuntakpa haina khangnariba hingcha yaitambagi pandup adugumna tamthiba leingak ama Okram Ibobi-na luchingduna leirambadu hek leikha takhiba kumsing ama oiri.Karigidamak chahi taret khuntakpagi thoudokka Okram Ibobi-na luchingba leingakka changdamnaribano haibagi yamna tenba amadi mapung phaba paokhumdi mahakki leingak matamda yelhoumi lising kaya mihat thina hatkhi.Mihat asi chahi taret khuntakpagi tangkak aduga changdamnaba yai.

Yelhoumi hatkhibagi thouwong asidagi houjik lakliba wahangdi Manipur-gi yelhou phurup ki laibak karino haibasini.Tamba ngamdraba mutharakliba yelhou khunai oiri haibasi eikhoi khudingmakna khangi.Yelhoumi kannabagi ihou kaya Manipur meeyamna ukhre. Ihousing asi Leithak loisang (frontal organization natraga CSO) mayamna changsinba ihouni. Ihou asi ngasidi karamba tangkak amada leiribage? Hangba yaba wahangni, paokhumsu mayam loina khangbiramgani adubu wahang asigi paokhum pipham thokpasing adu kadaida leiri.
Manipur da khwaidagi kanba ihou hairagadi Manipur gi ngamkhei-ga mari leinaba ihou amadi Yelhoumi kanbaga mari leinaba ihousingni. Ngamkhei gi ihoudasu makhal ani suri.Kanglup amana Ngamkhei kannabagi ihou aduga kanglup amana ngamkhei thugainabagi ihouni. Ngamkhei thugainabagi ihousi NSCN (IM) na mangjil tharaga India-na cheingak piri aduga Manipur gi ngamkhei kannabagi ihou asina Maru-oina masing yamba phurup-singna mangjil thaduna changsinbani. Asumna Yelhoumi kannabagi ihoudasu Masing yamba phurup oirabasu Loilam India-gi yamkhraba mising asina lak-hallakpa yabagi akiba leire haina phaoriba phurupsingna mangjil thana chongthoktuna ihou changsilli aduga yelhoumi kanbagi ihou asibu India amadi masigi khoubunai-singna namthanaba angamba thakta hotnari. Maram aduna yelhoumi kanbaga mari leinaba ihou amadi Ngamkheiga mari leinaba ihou anisi nakal animakki oina yamna kanna thouri chingnapham oiri.
Ihou animakki tangdangba phibam amaphaoba leitri. Manipur ngamkhei-gi matangda chap chaba wakheirol amaphaoba thamdri. Masimakna India-na yamna pamjana sanariba Yong-na tan yenbagi kumei (Divide and Rule Policy) gi sarouni. India na pamlibasi Manipur gi ngamkhei thugaibadu natte, makhoina pamlibasi Manipur gi apunba meeyamgi pangal thugaibani. Maram aduna Manipur thugainabagi ihousing asida Loilam India na cheingak piribani. Asumna Yelhoumi kanbagi ihou-gisu houjik phaoba tangdangba amaphaoba leitri. Yelhoumi kanbagi ihou asigi manungda chelliba ihou amagi pak chaoba masak adu Loi mapu India na mayek sengna uba phangi. ILPS ki ihou natraga Yelhoumi kannabagi ihousi Loi Mapu-gi apambagi maiyokta oi amadi makhoigi lonna chathariba Indianization gi phibam da chaona akaiba oihalli.Maram aduna Burma-dagi lanjennarakpa Refugee mayamga loutunaraga Yelhoumi kannabagi ihou asida chaona ayetpa piribani.Nakal amaromdana Meeyamgi apunba ihou asibu mangam salhandanaba haiduna Schedule Tribe ki ihou ama amuk marakta thatchil-hallaga ST gi status phanglagadi Lam kanjaba ngamlagani haina uhallaga ILPS ki natraga Yelhoumi kannabagi ihoubu masel maranghallaklibani.Yelhoumi kannabagi ihou asida henna masak thokpa ikainingai oiba tangkak ama uba phanglakli. Tangkak asi supnagi ILPS ki ihou asikhakki wapham natte. Masi Bourgeoisie democratic organization mayamgi asengba masak aduni.
Ihou animakki houjik oiriba phibamsing mayam punna amamamta oina neinaminasi.
Makha taba saruk adu Anisuba sarukta pabiyu-